Novo acidente laboral mortal, agora em Torre do Berzo
28 de Maio de 2005
O operário
falecido é Manuel Ucha Canderedo, de 47 anos, casado e com dous filhos,
mecánico, que resultou esmagado pola pá mecánica que
estava a reparar.
O acidente laboral
mortal tivo lugar no interior da mina Antracites de Branhuelas, no
concelho de Torre do Berzo (no extremo oriental da comarca do Berzo), pertencente
à empresa Uniom Minera do Norte (Uminsa), do empresário Vitorino
Alonso. Segundo informou a Subdelegaçom do Governo aos meios de comunicaçom,
Manuel Ucha estava a reparar na quarta planta da exploraçom mineira
umha pá mecánica, empregue para carregar entulho, quando por
"causas desconhecidas" resultou aprisionado polo contrapeso da máquina.
Fontes sindicais pontualizárom que o operário estava abaixo
da máquina retirando um motor quando esta se moveu uns centímetros
e lhe alcançou a cabeza.
Os factos tivérom lugar polas 12'30 horas, e o trabalhador morria 40 minutos depois a conseqüência dos ferimentos, sem que o pessoal do serviço de emergências do 112 deslocado à mina pudesse fazer nada por reanimá-lo.
:: Mais informaçons sobre o mesmo tema
Outro operário morto enquanto trabalhava, desta vez em Vigo (+...)
Confirma-se responsabilidade patronal na morte de quatro operári@s em Ferrol (+...)
Outros três trabalhadores e umha trabalhadora morrem no posto de trabalho nos estaleiros de Ferrol (+...)