Homenagem a Antom Moreda em Compostela

15 de Julho de 2005

Um grupo de pessoas ligadas ao nacionalismo e independentismo galegos promoveu a jornada de homenagem ao histórico militante Antom Moreda, que decorrerá amanhá na capital galega e incluirá um acto em Sam Domingos de Bonaval e umha ceia de confraternizaçom no restaurante O Dezaseis de Compostela.

Antom Moreda é história viva do nacionalismo galego, tendo ocupado a secretaria geral das Mocidades Galeguistas na Argentina durante a etapa da resistência antifascista no exílio. Posteriormente, foi secretário geral do Conselho da Mocidade, chegando a perder o emprego na editora Galaxia aquando da expulsom do sector mais comprometido nacional e socialmente polos representantes da corrente culturalista ou pinheirista.

O primeiro dos actos começará polas 19:30 horas ante o túmulo de Castelao, em Sam Domingos de Bonaval, e nele o próprio Antom Moreda dirigirá umhas palavras às pessoas assistentes.

Na noite do mesmo sábado, haverá umha ceia com assistência de Antom Moreda e de representantes de numerosas entidades nacionalistas e independentistas, incluída umha delegaçom do nosso partido, que reconhecerám assim a trajectória exemplar do militante nacionalista. Em palavras do comité organizador, "com esta homenagem pretendemos render reconhecimento ao nosso Irmao Antom".


Voltar à página principal