NÓS-Unidade Popular estreia nova versom do seu web nacional

17 de Outubro de 2005

A organizaçom independentista e socialista galega acabou de publicar umha versom totalmente actualizada do seu web, que inclui um novo visual e um pesquisador interno, além de incorporar grande quantidade de informaçom sobre campanhas, documentos, imagens, vídeos e outros conteúdos relativos aos quatro anos de actividade política de NÓS-UP.

Esta nova ediçom do web independentista supom umha importante superaçom do anterior a todos os níveis, e inclui também webs específicos para os centros sociais impulsionados polas assembleias comarcais do Condado e Compostela, em que se informa das actividades organizadas nesses espaços de socializaçom do projecto da esquerda independentista e de dinamizaçom da actividade dos movimentos sociais.

Um calendário mensal com as datas e actos significativos e a organizaçom dos conteúdos sob vários parámetros temáticos som outras novidades do novo sítio de NÓS-UP na Internet, cuja visita recomendamos.


Voltar à página principal