Sábado inaugura-se novo local social em Compostela

30 de Setembro de 2005

A associaçom cultural "A Gentalha do Pichel", de Compostela, inaugura sábado um ambicioso projecto fundamentado num amplo Local Social aberto à participaçom do movimento popular na capital galega, sediado no nº 21 da rua de Santa Clara.

A festa inaugural será a partir das 19h, e contará com participaçom de Tino Baz e As Cantigas do Cego (Luís Caruncho). O local tem umhas dimensons de 500 m2, e conta com auditório, biblioteca, bar e seis locais cedidos a diversas associaçons.

Segundo informaçons da própria entidade, o projecto foi possível graças ao trabalho da própria massa associativa, umha vez que as instituiçons recusárom qualquer forma de colaboraçom, como costuma acontecer com centros auto-geridos e ao serviço da construçom nacional e social galega.

A abertura deste novo espaço para a nossa língua, com umha orientaçom reintegracionista e monolíngüe em galego, é motivo de satisfaçom e orgulho para a Galiza que luita polo direito à existência normalizada, por isso de Primeira Linha queremos transmitir os nossos parabéns aos companheiros e companheiras que com esta iniciativa dérom exemplo de que a nossa língua e a nossa naçom tenhem futuro.

 

Voltar à página principal