BRIGA convoca Jornada de Rebeliom Juvenil para 24 de Julho em Compostela

13 de Julho de 2005

A juventude da esquerda independentista organizada em BRIGA convoca para a véspera do Dia da Pátria a I Jornada de Rebeliom Juvenil, dedicada a denunciar o processo repressivo que a juventude está a sofrer nos últimos tempos no nosso país, reflectindo e reivindicando a luita numha jornada que contará com actividades políticas e festivas diversas.

Segundo informa no seu web nacional, os actos previstos por BRIGA para 24 de Julho decorrerám a partir das 17 horas na praça compostelana de Maçarelos, com umha mesa de debate sob o título "Juventude e repressom na Galiza", com participaçom da advogada Helena Cardezo, o poeta Séchu Sende e o jovem militante de BRIGA Diego Bernal, recentemente represaliado na chamada "Operación Cacharrón" dirigida pola Guarda Civil contra a entidade juvenil independentista.

A seguir ao debate, será projectado sobre um ecrám de grandes dimensons um documentário sobre a luita da juventude basca. Será por volta das 18:30 horas.

Às 19 horas, representantes de entidades juvenis dos Països Catalans, Euskal Herria, Irlanda e Castela partilharám mesa com BRIGA para debaterem sobre o tema "Jovens e auto-organizaçom". Falarám membros de CAJEI (PPCC), do Movimento Juvenil Basco, das juventudes do Sinn Fein e das Juventudes Castellanas Revolucionárias (JCR).

Para as 21 horas, BRIGA convoca umha marcha reivindicativa polas ruas da capital galega para reclamar o fim da repressom contra a juventude galega, que concluirá com a elaboraçom de um graffiti anti-repressivo.

E já polas 23:30 horas, começará um concerto que contará com os grupos Ofensiva, de Vigo, Betagarri, do País Basco e um terceiro ainda por confirmar. O concerto prolongará-se durante a noite como conclusom da jornada de luita e festa juvenil, dando passagem aos actos do Dia da Pátria também organizados pola esquerda independentista, desta vez através de NÓS-Unidade Popular. Deles esperamos poder informar nos próximos dias.

 

Voltar à página principal