Debate sobre a nova reforma laboral que nos preparam

27 de Março de 2006

Amanhá, terça-feira 28 de Março, o Centro Social Henriqueta Outeiro organiza um debate sobre a nova reforma laboral que o capital nos prepara. Será polas 20.30 horas e abordará de diversas ópticas a perspectiva trabalhadora de um processo em que o Governo espanhol do PSOE, o patronato através da CEOE e o sindicalismo vendido estám a acordar umha nova volta de porca no que eufemisticamente chamam "flexibilizaçom do mercado laboral". Novas facilidades para o despedimento, mais contratos lixo, promoçom das ETT's e privatizaçons de serviços públicos som alguns ingredientes a nova ofensiva reaccionária contra a nossa classe.

No debate participarám dous sindicalistas, umha representante da juventude trabalhadora e revolucionária e umha militante feminista. Eis a composiçom da mesa de debate prevista:

Chuchi Fontenla, da Coordenadora Democrática Independente de Laborais da Junta da Galiza (CEDIL)

Berta Lopes, BRIGA, organizaçom juvenil da esquerda independentista

Paulo Rubido, CIG

Paula Rios, Mulheres Nacionalistas Galegas (MNG)

O acto decorrerá no Centro Social Henriqueta Outeiro, na Quiroga Palácios 42, rés-do-chao, de Compostela.

 

 

Voltar à página principal