NÓS-Unidade Popular elimina directamente diversas placas fascistas das ruas de Ponte Areas e as Neves

5 de Dezembro de 2005

A esquerda independentista continua com a campanha pola retirada da simbologia franquista de espaços públicos da Galiza. No passado sábado, membros de NÓS-Unidade Popular na comarca do Condado e da antiga Plataforma Cidadá pola Retirada do Monumento a Franco procedêrom a cumprir com umha exigência democrática a que as instituiçons municipais das Neves e Ponte Areas venhem recusando-se de maneira reiterada.

A iniciativa fai parte da campanha nacional que sob a legenda "simbologia fascista fora da Galiza. Higiene, justiça e dignidade democrática" NÓS-UP desenvolve nos últimos meses, e que começou com a apresentaçom de propostas à instituiçom autonómica e às municipais para o cumprimento da legislaçom que obriga a retirar os símbolos franquistas dos espaços e prédios públicos. A organizaçom independentista advertiu já no início da campanha de que a negativa institucional provocaria acçons directas como a do passado sábado, ou a do dia 20 de Novembro na casa natal do ditador espanhol, onde foi eliminada umha placa de mármore laudatória de Franco e a fachada pintada de cor-de-rosa, a cor do antifascismo na Galiza.

A campanha ainda nom concluiu, e prevê-se que a limpeza de símbolos franquistas continue nas próximas semanas em diferentes pontos do País.


:: Mais informaçons sobre o mesmo tema

Dirigentes de NÓS-UP detidos em Ferrol ficárom livres com cargos (+...)

Pintam de cor-de-rosa a casa natal de Franco e eliminam placa de mármore com o seu retrato da fachada. Quatro detidos (+...)


Voltar à página principal