NÓS-UP denuncia permanência de monólito franquista na Corunha

17 de Dezembro de 2005

Um grupo de filiados e filiadas de NÓS-Unidade Popular pintou completamente de cor-de-rosa o monólito dedicado ao ditador Francisco Franco no chamado "viaduto do generalíssimo", num dos principais acessos da cidade da Corunha.

A acçom foi realizada em plena luz do dia, na manhá de hoje, e foi acompanhada do despregamento de umha faixa contra a simbologia fascista, fazendo parte da campanha nacional que a organizaçom soberanista e socialista galega desenvolve nos últimos meses, e que incluiu já outras acçons semelhantes, bem como a supressom de placas e outros elementos laudatórios do fascismo espanhol que inçam as ruas e espaços públicos da Galiza.

A Polícia espanhola chegou ao local quando a acçom simbólica já tinha findado, e identificou umha das pessoas que seguravam a faixa antifascista. Toda a informaçom e umha reportagem fotográfica sobre esta nova acçom de denúncia protagonizada por NÓS-UP pode ser consultada no seu web nacional.


:: Mais informaçons sobre o mesmo tema

NÓS-Unidade Popular elimina directamente diversas placas fascistas das ruas de Ponte Areas e as Neves (+...)

Dirigentes de NÓS-UP detidos em Ferrol ficárom livres com cargos (+...)

Pintam de cor-de-rosa a casa natal de Franco e eliminam placa de mármore com o seu retrato da fachada. Quatro detidos (+...)


Voltar à página principal