Centro Social Henriqueta Outeiro organiza palestra dedicada à resistência saaraui

14 de Dezembro de 2005

"Saara: a resistência dum povo na procura da liberdade" é o título da palestra organizada polo Centro Social Henriqueta Outeiro, da capital da Galiza, para hoje mesmo. Trata-se de umha iniciativa solidária com a luita de libertaçom nacional do povo do Saara, em que intervirám a delegada e o subdelegado saarauis para a Galiza: Fatma Mohamed Salem e Mohamedu Hiba, respectivamente.

A inciativa coincide com um momento em que Marrocos intensifica a repressom contra o movimento saaraui, que reivindica o respeito polo direito de autodeterminaçom e a intervençom das Naçons Unidas para deter os abusos marroquinos. O acto decorrerá no citado centro social, sito na rua Quiroga Palácios, 42, rés-do-chao, em Compostela, a partir das 20:30 horas.

 

Voltar à página principal