Siareir@s Galeg@s estreia web e convoca manifestaçom para 29 de Dezembro

11 de Novembro de 2005

O colectivo de Siareiras e Siareiros Galegos acabou de activar o seu web nacional, que pode ser visitado em dous endereços: www.siareirosgalegos.org e www.siareirasgalegas.org.

Siareir@s Galeg@s informa num comunicado da sua reivindicaçom de "umha equipa galega oficial, no futebol e no resto das disciplinas desportivas, com a capacidade de competir com outras naçons e estados do mundo em pé de igualdade, representando o desporto galego em torneios, ligas, mundiais, Olimpíadas, e qualquer outro evento desportivo de qualquer disciplina. Nom nos conformamos com umha selecçom autonómica de futebol, queremos que o desporto em todas as suas variantes cumpra o objectivo de símbolo autoidentificativo através dumha selecçom própria e oficial, que além dos partidos amistosos poda jogar contra quaquer outra equipa sem ficar relegada a umha selecçom autonómico-regional, por baixo da selecçom espanhola."

A convocatória para 29 de Dezembro da primeira partida da selecçom galega de futebol serviu para umha reactivaçom do movimento de Siareir@s Galeg@s, que está a preparar activamente a jornada histórica a partir de várias cidades do País, contando com assembleias em Compostela, Corunha, Vigo, Trasancos, Ponte Vedra e a Marinha. Entre as actividades programadas, destaca umha manifestaçom convocada para o mesmo dia 29 de Dezembro em Compostela, que partirá da Praça de Pratarias às 18:30 e concluirá no estádio de Sam Lázaro.

 

Voltar à página principal