Siareir@s Galeg@s fam apresentaçom nacional

8 de Dezembro de 2005

O colectivo Siareir@s Galeg@s informa no seu web da apresentaçom em conferência nacional de imprensa na capital da Galiza das iniciativas previstas em apoio à estreia da selecçom galega de futebol no dia 29 deste mesmo mês. Ao acto assistírom representantes das principais claques das equipas galegas, que integram também as cinco comarcas com que conta o colectivo de apoio à selecçom galega.

@s representantes do colectivo denunciárom a escassa colaboraçom da instituiçom autonómica ante as suas propostas, ao tempo que se apresentou a imagem da campanha "Umha naçom, umha selecçom", que até fim deste ano encherá as paredes da Galiza chamando a participar na mobilizaçom que no mesmo dia 29 de Dezembro reclamará umhas verdadeiras selecçons nacionais que representem a nossa naçom no palco das competiçons oficiais internacionais.

Outras iniciativas animarám as reivindicaçons do colectivo de Siareir@s Galeg@s, tais como debates, campeonatos de matraquilhos e concertos em diversos pontos do País. Quanto à manifestaçom, acto central da campanha, decorrerá no dia 29 de Dezembro a partir das 18:30h em Compostela.


Voltar à página principal

 

 

Imagem da conferência de imprensa d@s Siareir@s Galeg@s