Siareir@s Galeg@s fai público programa de comemoraçom da estreia da selecçom nacional

27 de Dezembro de 2005

Depois de umha primeira quinzena de Dezembro cheia de iniciativas comarcais, o colectivo de Siareir@s Galeg@s fijo público o programa definitivo de actividades que rodearám no dia 29 de Dezembro o jogo de estreia da selecçom galega de futebol masculino, que se enfrentará com a selecçom uruguaia no estádio de Sam Lázaro da capital galega.

Durante toda a tarde, serám fretados autocarros das comarcas em direcçom a Compostela, para às 18h30 principiar a manifestaçom nacional convocada sob a legenda "Umha naçom, umha selecçom", que partira da praça das Pratarias e concluirá no estádio de Sam Lázaro.

Com o estádio já praticamente lotado, muitas pessoas nom vam poder aceder a Sam Lázaro para ver o jogo; daí que o colectivo de Siareir@s Galeg@s resolvesse habilitar um grande ecrám e umha carpa nas redondezas do estádio, garantindo assim que todo o mundo pode acompanhar a partida inaugural da nossa selecçom após muitas décadas de proibiçom espanhola.

No fim do jogo, polas 23 horas, começará o concerto, também diante do Palácio de Congressos, com a actuaçom dos grupos Dandy Fever, Skárnio e Mencer Vermelho. À meia-noite, os adeptos e adeptas galegas farám umha homenagem popular ao ex-jogador do Compostela Nacho, que no seu dia fijo história manifestando publicamente a sua falta de disposiçom para integrar a selecçom espanhola e defendendo sempre a necessidade de contarmos com selecçons próprias. Infelizmente, as instituiçons autonómicas nom estivérom à altura das circunstáncias, negando-se a homenagear Nacho no interior do estádio como preámbulo da partida Galiza-Uruguai.

Seja qual for o resultado do jogo, e apesar da mesquinhez institucional na organizaçom do evento, a Galiza já conseguiu umha vitória. Porém, é muito o caminho por andar, e será fundamental que @s Siareir@s Galeg@s, que somam já mais de 1000 associad@s, continuem a pressionar em defesa da plena homologaçom das nossas selecçons nas competiçons oficiais internacionais.

 

:: Mais informaçons sobre o mesmo tema

A reivindicaçom das selecçons galegas no programa de defesa dos direitos nacionais. (+...)

Siareir@s Galeg@s fam apresentaçom nacional (+...)

Siareir@s Galeg@s estreia web e convoca manifestaçom para 29 de Dezembro (+...)

 

Voltar à página principal