Vitória da Galiza

30 de Dezembro de 2005

Qualquer que fosse o resultado reflectido polo placard no fim dos 90 minutos, a vitória era nossa. E foi. A grande campanha desenvolvida nas últimas semanas polo colectivo de Siareir@s Galeg@s tivo o seu fruto na maciça resposta à manifestaçom prévia ao jogo entre as selecçons da Galiza e o Uruguai. Apesar da chuva, 2000 pessoas marchárom atrás da faixa do colectivo e sob a legenda "umha naçom, umha selecçom".

Já no estádio de Sam Lázaro, a festa da recuperaçom, embora parcial, de umha selecçom própria negada durante décadas polo poder espanhol, estivo tingida em todo o momento e ao longo de todas as bancadas de bandeiras da pátria e conteúdo político: "que queiram, que nom, Galiza é umha naçom", "Fraga, cabrom, já temos selecçom", "independência", "espanhol o que nom bote", "Galiza, Galiza, Galiza!", "A próxima partida, contra Espanha"...

Os media do sistema detectárom imediatamente essa politizaçom, assinalando-a como "mancha" na noite de estreia da nossa selecçom -por enquanto, masculina- de futebol. Naturalmente, o que para a reacçom espanhola é umha "mancha", para nós é umha virtude. Essa foi a grande virtude da jornada de ontem na capital do nosso país: milhares de pessoas a proclamar que somos umha naçom e queremos exercer como tal a todos os efeitos. Essa foi a grande vitória da Galiza, que marca o caminho para continuarmos a pressionar as instituiçons para que o reconhecimento dos nossos direitos seja pleno e a todos os níveis, incluído o desportivo em todas as especialidades e categorias.

Serám muitos os obstáculos, a começar pola mesquinhez da instituiçom autonómica, que renuncia a participar em competiçons oficiais da mesma forma que ontem renunciou a gravar nas camisolas o nome galego da nossa naçom. Felizmente, Galiza foi o grito unánime de milhares de pessoas, alto e claro.

A de ontem foi a primeira jornada de umha campanha que só concluirá com a conquista da nossa soberania nacional, quando nos enfrentarmos, ganhando, à selecçom espanhola em jogo oficial de qualquer disciplina.

Adiante Siareir@s Galeg@s e, como dizia a bandeira gigante do fundo sul: Adiante Galiza!.

 

> Mais imagens da jornada histórica de ontem nos webs de Siareir@s Galeg@s e BRIGA

 

:: Mais informaçons sobre o mesmo tema

Siareir@s Galeg@s fai público programa de comemoraçom da estreia da selecçom nacional. (+...)

A reivindicaçom das selecçons galegas no programa de defesa dos direitos nacionais. (+...)

Siareir@s Galeg@s fam apresentaçom nacional (+...)

Siareir@s Galeg@s estreia web e convoca manifestaçom para 29 de Dezembro (+...)

 


 

Voltar à página principal

 

 

Homenagem popular a Nacho, jogador profissional pioneiro na reivindicaçom das selecçons nacionais, tendo-se recusado a participar na espanhola
Imagem da manifestaçom de ontem em Compostela
Bandeira da Pátria gigante na bancada sul do estádio de Sam Lázaro, ocupada polo colectivo de Siareir@s Galeg@s