Continua retirada de placas franquistas no Sul da Galiza

20 de Janeiro de 2006

NÓS-Unidade Popular continua avante com a sua campanha de denúncia da permanência de símbolos do fascismo em espaços públicos e prédios da Galiza. Ontem desenvolvêrom-se actividades nas Neves, Ponte Areas, Salzeda de Caselas e Tui, segundo informa no seu web nacional.

Como em ocasions anteriores, as acçons directas estivérom precedidas de moçons municipais nas cámaras municipais dos quatro concelhos, que, como é habitual, só recebêrom o silêncio por resposta. A seguir, membros de NÓS-Unidade Popular pintárom completamente de cor-de-rosa umha fonte com o símbolo da Falange nas Neves e em Salzeda e um monumento ao fascista Calvo Sotelo à entrada de Tui. Em Ginzo (Ponte Areas), umha placa de homenagem a um grupo de fascistas locais baptizados como "gloriosos caídos" era eliminada directamente em resposta à passividade da equipa governante, ligada ao PP e à outra família da direita espanholista local.

O labor de limpeza e denúncia que NÓS-UP desenvolve nos últimos meses continua. A campanha pode ser consultada em profundidade no web da organizaçom independentista, incluindo umha galeria fotográfica das acçons de ontem.

 

:: Mais informaçons sobre o mesmo tema

NÓS-UP retirou hoje umha placa franquista do bairro de Carança, em Ferrol (+...)

Cruzes fascistas pintadas de cor-de-rosa em Neda e Fene (+...)

NÓS-UP denuncia permanência de monólito franquista na Corunha (+...)

NÓS-Unidade Popular elimina directamente diversas placas fascistas das ruas de Ponte Areas e as Neves (+...)

Dirigentes de NÓS-UP detidos em Ferrol ficárom livres com cargos (+...)

Pintam de cor-de-rosa a casa natal de Franco e eliminam placa de mármore com o seu retrato da fachada. Quatro detidos (+...)

 

Voltar à página principal

 

 

Instantánea da retirada de umha placa fascista ontem em Ponte Areas