CEIVAR denuncia "tratamento repressivo" contra @s pres@s Ugio Caamanho e Giana Rodrigues

7 de Setembro de 2005

Segundo as informaçons publicadas nos webs de CEIVAR e Galizalivre, Ugio Caamanho e Giana Rodrigues, pres@s em Soto del Real (Madrid) com carácter preventivo desde o passado mês de Julho, sofrem o "tratamento repressivo" que a direcçom da cadeia está a dar às medidas reivindicativas de amb@s jovens em relaçom com as condiçons de internamento, de que já informamos dias atrás.

A situaçom é, segundo os citados webs, mais grave no caso de Giana Rodrigues, que se encontra isolada de facto, apesar de nom ter sido conduzida ao módulo de isolamento, umha vez que nom pode manter comunicaçom com outras internas, limitando-se o seu contacto pessoal às funcionárias e às visitas de familiares directos.

Ante a situaçom especialmente opressiva que amb@s padecem no interior da prisom, a entidade anti-repressiva apela para que se lhes faga chegar o apoio exterior em forma de cartas e telegramas, além de protestos escritos à direcçom da prisom polas medidas repressivas acrescentadas à privaçom de liberdade que padecem.

De Primeira Linha manifestamos mais umha vez a nossa solidariedade com a Giana e o Ugio, exigindo o mais escrupuloso respeito polos seus direitos, a começar polo internacionalmente reconhecido à repatriaçom.

 

Voltar à página principal