Pontedeume acolhe décima primeira ediçom do Festival Treme a Terra

8 de Janeiro de 2006

O colectivo eumês Treme a Terra volta a organizar, mais um ano, o seu já "clásico" festival, que atinge assim a décima primeira ediçom como umha das referências lúdico-reivindicativas do Inverno galego.

A abertura corresponderá a umha palestra sobre imigraçom, intitulada "A política migratória na Europa-fortaleza", que decorrerá na quarta-feira dia 11 polas 21h00, nos locais da Bibilioteca de Pontedeume.

Umha exposiçom sobre o mesmo tema completa a abordagem de umha problemática que tem estado de actualidade nos últimos meses no Estado espanhol. A obra do fotógrafo galego Gabriel Tiçom será exposta numha mostra intitulada "A desonra de origem", e que se prolongará durante toda a segunda quinzena do mês de Janeiro.

Um concerto completa o programa de actividades previstas. Será na sexta-feira dia 13 a partir das 21h30 e actuarám o grupo catalám la Kinki Beat e os galegos Presencia Zero e Os 3 trebons, além do conta-contos Gari.

 

Voltar à página principal

 

 

Cartaz do XI Festival Treme a Terra