Associaçom de Amizade Galiza-Viet Nam comemora 60 aniversário da independência vietnamita

11 de Dezembro de 2005

A Associaçom de Amizade Galiza-Viet Nam, constituída em 2004 com motivo do 50 aniversário da decisiva Batalha de Dien Bien Phu, em que o povo vietnamita derrotou o imperialismo norte-americano, organiza nesta semana dous actos em comemoraçom de umha outra data chave na história do Viet Nam: os 50 anos da independência. Em 2 de Setembro de 1945, Ho Chi Minh proclamou a independência do país, que nas três décadas seguintes tivo que luitar corajosamente contra os imperialismos francês e ianque para a o tornar efectiva.

A Associaçom de Amizade Galiza-Viet Nam rende agora homenagem ao povo vietnamita com duas palestras, umha em Ferrol e a outra em Compostela. A de Ferrol decorrerá na tarde do dia 15 de Dezembro, quinta-feira, e falarám o presidente e o vice-presidente da entidade, Xan Carvalho e Joám Lopes.

No dia 17, sábado, polas 19:30 horas, terá lugar na Galeria Sargadelos o acto central de homenagem aos 60 anos de independência vietnamita, com umha palestra na capital galega, em que participará o escritor e ex-combatente na guerra de libertaçom nacional Bao Ninh.

Estará acompanhado por Xosé Neira Vilas, Anisia Miranda e Xan Carvalho, bem como a editora do seu romance em espanhol, ambientado na guerra que o autor viveu em primeira pessoa: A dor da Guerra.

 

Voltar à página principal