Classe obreira galega toma as ruas no Dia do Internacionalismo Proletário

2 de Maio de 2006

A tendência à alta na participaçom proletária continua, apesar de nom estarmos num período de claro ascenso na luita de classes na Galiza. O apelo do sindicalismo nacional e de classe, agrupado sobretodo na CIG, para a participaçom em defesa da naçom galega e da soberania, e frente à precariedade, a sinistralidade e as reformas laborais que nos preparam, achou resposta em decenas de milhares de trabalhadores e trabalhadoras, ultrapassando em número as convocatórias do sindicalismo pactista e espanholista nas principais cidades galegas.

Vigo foi, como cada ano, a cidade com maior presença operária nas ruas, seguida por outras como Ferrol, a Corunha, Compostela, Ponte Vedra, Lugo e Ourense. A esquerda independentista participou nas diversas convocatórias, com destaque para a importante presença na manifestaçom de Ferrol, onde numeros@s militantes de NÓS-Unidade Popular e da organizaçom juvenil BRIGA participárom numha mobilizaçom que ultrapassou em número e animaçom as dos últimos anos.

Além disso, no caso de Ferrol, a jornada de luita e festa continuou até a noite com um jantar-festa que incluiu um concerto de vários grupos, e bancas de material de organizaçons sociais e políticas diversas na praça do Cantom de Molins. Umha iniciativa inédita no sindicalismo nacionalista em Trasancos, mas que se reproduziu noutros pontos do País.

O nosso partido participou também nas convocatórias da CIG, repartindo grande número de exemplares do novo número do Abrente entre @s manifestantes, e expondo material diverso na festa de Ferrol, bem acolhido polos trabalhadores e as trabalhadoras participantes. Esperamos que esta jornada sirva para fortalecer a autoconfiança do povo trabalhador, perante as importantes luitas que sem dúvida deverám ser dadas num futuro próximo, para derrubar os planos neoliberais dos governos contra os direitos da nossa classe.

 

:: Mais informaçons sobre o mesmo tema

1º de Maio: greve geral de imigrantes nos EUA. (+...)

NÓS-UP apoia mobilizaçons da CIG para o 1º de Maio. (+...)

 

Voltar à página principal

 

 

Faixa de cabeça da manifestaçom da CIG em Ferrol
A esquerda independentista tivo na cidade trasanquesa a sua participaçom mais destacada
Imagem da actuaçom do grupo Skárnio na festa-concerto decorrida na tarde do 1º de Maio em Ferrol, com importante participaçom de público
A juventude independentista também saiu às ruas neste 1º de Maio galego