Coimbra e Lisboa: iniciativas solidárias com a Galiza em andamento

29 de Abril de 2006

Tal como temos informado anteriormente, duas entidades sediadas em Lisboa e Coimbra mantenhem acesa a chama da solidariedade com a Galiza, mediantes actos em que é difundida a realidade das luitas do nosso povo, com destaque para a libertaçom nacional e a língua.

Nesta mesma semana, a Plataforma Coimbra-Galiza organizou umha Festa Galega na Casa de Trás-os-Montes da cidade universitária portuguesa por excelência, incluindo música galega nos mais diversos géneros. A ideia da entidade promotora é destinar o dinheiro arrecadado à solidariedade económica com a organizaçom juvenil da esquerda independentista, BRIGA, que enfrenta um processo repressivo promovido pola Guarda Civil.

Entretanto, em Lisboa, a Associaçom de Solidariedade com a Galiza continua a dar a conhecer a luita galega pola independência e o socialismo com festas, conferências e outras iniciativas. A última foi a participaçom na tradicional festa popular ou arraial com que é comemorado ano após ano no Largo do Carmo o 25 de Abril, bem como na manifestaçom que percorreu as ruas centrais da capital portuguesa.

A entidade solidária despregou umha faixa com a legenda "Galiza em luta pola liberdade", sendo muito bem acolhida polos milhares de participantes na mobilizaçom que cada ano reivindica a vigência dos valores da Revoluçom dos Cravos.

 

:: Mais informaçons sobre o mesmo tema

Plataforma Coimbra-Galiza já tem blogue (+...)

BRIGA participa em Coimbra num acto informativo sobre a repressom na Galiza (+...)

Reactiva-se em Lisboa Associaçom de Solidariedade com a Galiza (+...)

 

Voltar à página principal