Ferido grave jovem trabalhador da construçom no Salnês

21 de Setembro de 2006

Um jovem trabalhador do sector da construçom ficou ferido ontem ao cair do alto de umha escada quando trabalhava num prédio em obras do núcleo urbano da cidade de Vila Garcia. A empresa responsável polo trabalhador e as suas condiçons de trabalho chama-se Trineon, e tem domicílio social na Corunha.

Os ferimentos sofridos polo operário, de 26 anos, som graves, segundo as primeiras informaçons da Protecçom Civil. Este novo acidente laboral aconteceu polas 16.30 horas na praça da Galiza de Vila Garcia, ao cair o trabalhador de umha altura de uns três metros e de costas, o que fijo com que batesse no pavimento de pedra, agravando-se as conseqüências do impacto.

Trata-se do nono acidente laboral de importáncia acontecido na comarca do Salnês só nestes primeiros vinte dias de Setembro, o que dá ideia das péssimas condiçons de trabalho que continuam a padecer-se em sectores como o da construçom, especialmente castigado.

Ao tempo que desejamos umha completa recuperaçom do companheiro acidentado, voltamos a denunciar, mais umha vez, os agentes institucionais, económicos e sociais responsáveis polas precárias condiçons de trabalho que convertem a nossa naçom num dos mercados laborais mais perigosos da Europa.

 

:: Mais informaçons sobre o mesmo tema

Novo acidente laboral mortal no Berzo (+...)

Outro trabalhador morto no sector da lousa, agora em Quiroga (+...)

A falta de medidas de segurança causou a morte do obreiro em Valdeorras (+...)

Morre um trabalhador na canteira de Carvalheda de Valdeorras (+...)

Especial acidentes laborais (+...)

 

Voltar à página principal