Ceia-acto político-festa comemora hoje os 10 anos da fundaçom do nosso partido

22 de Abril de 2006

Dentro das iniciativas que ao longo deste ano venhem comemorando o décimo aniversário da fundaçom de Primeira Linha, hoje a nossa militáncia e outr@s companheir@s e amig@s do partido, vamos reunir na capital da Galiza para celebrarmos os 10 anos de vida deste projecto comunista de libertaçom nacional.

A partir das 20 horas, o restaurante compostelano Paz Nogueira acolherá um encontro político e festivo em será apresentado o documentário "Revoluçom Galega. Dez anos de Primeira Linha". Divers@s camaradas e ex-camaradas tomarám a seguir a palavra, assim como delegaçons convidadas de organizaçons amigas da Galiza e doutros países próximos. A música galega estará também presente com a actuaçom de Tino Vaz, José Constela e o grupo de música tradicional Avelaína, de Salvaterra de Minho.

Em próximos dias informaremos sobre o desenvolvimento desta jornada de confraternizaçom comunista, que quer servir de mostra de agradecimento do nosso partido a todos os trabalhadores e trabalhadoras galegas, jovens e sectores progressistas que de um jeito ou outro tenhem contribuído nestes anos para a consolidaçom de Primeira Linha como referente comunista e independentista na Galiza.

Só graças ao crescente apoio desses sectores é que temos podido até hoje enfrentar em nom poucas ocasions a repressom, perseguiçom e criminalizaçom do sistema e os seus servidores, avançando por cima das dificuldades e obstáculos colocados. Só assim podemos afirmar que tenhem sido dados já alguns passos, modestos mas firmes, no caminho do objectivo que nos guia: a Revoluçom Galega.

 

:: Mais informaçons sobre a comemoraçom dos X anos de Primeira Linha

 

 

Voltar à página principal