AGIR representou em Paris o estudantado galego que se opom ao neoliberal Processo de Bolonha

17 de Outubro de 2006

Entidades estudantis de toda a Europa convocou um encontro internacional em Paris para os dias 13, 14 e 15 de Outubro, com a urgente ameaça de aplicaçom do Processo de Bolonha ao ensino público europeu como ponto único da agenda que reúne representantes de diversos países do continente opostos à estratégia neoliberal e em defesa do ensino público.

O Forum Europeu de Estudantes é a continuaçom do decorrido na vila basca de Bakaiku no passado mês de Março, em que já participaram as organizaçons estudantis galegas AGIR e CAF. Desta vez, segundo informa a primeira delas, só houvo presença independentista, umha vez que a organizaçom estudantil ligada ao BNG, cujo pacto de governo com o PSOE inclui a aplicaçom do letal Processo de Bolonha.

Entre as medidas ratificadas em Paris acha-se a jornada de luita estudantil europeia prevista para o mês de Novembro, contra a mercantilizaçom do ensino. AGIR oferece mais informaçons no seu web nacional.

Novas iniciativas em Compostela

Além da presença no Forum de Paris, a entidade estudantil independentista, AGIR, organiza para esta mesma semana e para a próxima um completo ciclo de cinema latino-americano. Será nas Faculdades de Geografia e História e de Direito, e este é o programa previsto:

Faculdade de Direito

- Dia 16, 19.30 horas, no Salom de Graos, ‘Ernesto Guevara "CHE", umha lenda do nosso século’.
- Dia 25, 19.30 horas, no Salom de Graus, ‘La hora de los hornos, Parte 1ª: Neocolonialismo e violência’.

Faculdade de Geografia e História

- Dia 17, 19.30 horas, na Aula 12, ‘La hora de los hornos, Parte 1ª. Neocolonialismo e violencia’.
- Dia 18, 19,30 horas, na Aula 12, ‘Ernesto Guevara "CHE", umha lenda do nosso século’.

 

Voltar à página principal