III ediçom do Certame Literário Feminista premiou obra de Concha Rousia

10 de Setembro de 2006

A autora Concha Rousia foi a autora premiada na III ediçom do único certame literário galego convocado só para mulheres, que vem realizando-se nos últimos três anos no Condado por iniciativa da organizaçom feminista dessa comarca do sul, a Assembleia de Mulheres do Condado (AMC).

O júri, integrado por umha representante da referida entidade, umha investigadora da história das mulheres galegas e umha representante das entidades patrocinadoras, resolveu nesta ocasiom que o prémio fosse para a autora Concha Rousia, vizinha de Briom e ganhadora antiormente de outros certames literários, como o de Narrativa Curta do Concelho de Marim em 2004.

O trabalho ganhador, apresentado sob o pseudónimo de Rosaura de Antioquia, foi "A Língua de Joana C.", num certame que ano após ano vai consolidando-se no panorama nacional como o único aberto à promoçom de autoras galegas e em galego, partindo da iniciativa popular e feminista da AMC.

 

Voltar à página principal