Marcha contra a celulose de Louriçám

9 de Junho de 2005

A luita contra ENCE-ELNOSA vive amanhá mais um capítulo com umha nova manifestaçom pola recuperaçom da ria de Ponte Vedra e contra o complexo de celuloses, que durante décadas tem degradado a saúde ambiental desse espaço natural.

A entidade convocante, a Associaçom pola Defesa da Ria, atribui à fortaleza do movimento anti-celulose a mudança de posiçons nas instituiçons municipal e autonómica, receptivas agora a um possível traslado. Mas ainda nom está garantida a vitória popular e o desenvolvimento alternativo baseado nos recursos naturais da ria que a APDR sempre defendeu, daí que esta entidade chame a participar maciçamente na marcha, contando para isso com o apoio de numerosas entidades sociais, ambientalistas, sindicais e políticas da comarca de Ponte Vedra e do conjunto do País.

A esquerda independentista está entre os sectores que manifestárom a sua adesom à convocatória da APDR, através de NÓS-Unidade Popular e BRIGA, que figuram na lista de organizaçons apoiantes. Também de Primeira Linha queremos manifestar o nosso apoio à iniciativa, e estaremos na marcha de sábado, que parte às 19:30 horas das Alamedas de Marim e Ponte Vedra.

 

:: Mais informaçons sobre o mesmo tema

Massiva mobilizaçom em Ponte Vedra contra a presença de ENCE Celuloses (+...)

NÓS-UP chama em Ponte Vedra a participar na manifestaçom de sábado contra ENCE (+...)

 

Voltar à página principal