Compostela: AGIR contra o Processo de Bolonha

12 de Maio de 2006

Coincidindo com a convocatória europeia contra o chamado Processo de Bolonha e o Espaço Europeu de Ensino Superior, com que o grande capital da UE pretende impulsionar a privatizaçom e elitizaçom do ensino no continente, AGIR realizou umha acçom simbólica de protesto pola adesom da USC ao citado processo.

Foi na sede compostelana do Conselho Social, organismo criado após a aprovaçom da LOU para favorecer o controlo empresarial da Universidade, que um grupo de integrantes da entidade estudantil independentista pintou a fachada de vermelho, exibindo umha faixa com a legenda "Paremos o Processo de Bolonha. Fora empresas da USC".

A simbólica acçom de protesto contra a mercantilizaçom da Universidade foi dirigida por AGIR contra as políticas neoliberais aplicadas polos Governos espanhol e da Comunidade Autónoma Galega, bem como pola maior parte dos reitorados do Estado espanhol, num processo de reformas do ensino superior que ameaça a qualidade e o carácter público do mesmo.

AGIR anuncia no seu web novas actuaçons enquadradas na luita dos povos contra as políticas da UE em matéria de Ensino Universitário.

 

 

Voltar à página principal