BRIGA pinta e lança cinzas contra imobiliária Mahia
20 de Agosto de 2006
Na sexta-feira 18 de Agosto militantes de BRIGA realizárom um acto de protesto contra as instalaçons da construtora e inmobiliária do grupo Mahia situadas na avenida Rosalia de Castro de Compostela.Tal como se pode consultar na sua web @s jovens concentrad@s despregárom umha faixa com a legenda "Se Galiza arde lume contra os responsáveis" e pintárom de cor cinzenta as janelas e a porta dessa empresa, umha das mais beneficiadas polos maciços lumes que assolárom a comarca de Compostela.
Posteriormente deitárom sobre os vidros pintados vários caldeiros de cinzas e restos das árvores calcinadas durante as últimas semanas.
Deste jeito a
organizaçom juvenil da esquerda independentista exprimiu o sentir geral
de amplos sectores populares sobre as responsabilidades das empresas imobiliárias
e da construçom nos incêndios florestais que ano após
ano arrasam Galiza.