Secretário geral de Primeira Linha participa numha palestra em Coimbra

30 de Maio de 2006

Organizada pola Plataforma de Solidariedade Coimbra-Galiza, o secretário geral do nosso partido, Carlos Morais, participa nesta quarta-feira, dia 31 de Maio, numha palestra submetida ao título "Luitas revolucionárias na Galiza". O evento decorrerá na Faculdade de Letras da Universidade conimbricense (sala 8), a partir das 18 horas, e fai parte das diversas iniciativas promovidas nos últimos meses pola entidade solidária com a Galiza que foi constituída durante este ano por sectores diversos da esquerda portuguesa.

A palestra servirá para dar a conhecer diversos aspectos das luitas sociais na Galiza, com a perspectiva da esquerda independentista e marxista galega. Toda a informaçom sobre esta e outras actividades da Plataforma Coimbra-Galiza, pode ser consultada no blogue activado na Internet polos companheiros e companheiras dessa entidade solidária com a causa galega.

 

 

Voltar à página principal