NÓS-UP posiciona-se contra o AVE e por um comboio ambiental e socialmente sustentável

2 de Abril de 2006

NÓS-Unidade Popular emitiu um comunicado em que se posiciona perante o debate que nos últimos tempos enfrenta os principais partidos institucionais, em relaçom aos prazos de construçom do comboio de alta velocidade que ligue a Galiza com Madrid.

A organizaçom soberanista e socialista identifica o AVE com os interesses da grande burguesia espanhola e nom com as necessidades populares existentes na Galiza. Daí que critique a orientaçom que o BNG dá às infraestruturas galegas e reclame umha nova política que NÓS-UP concretizou já na sua "Tabela reivindicativa de mínimos para o novo governo autonómico", publicada no passado mês de Setembro.

Em concreto, NÓS-Unidade Popular defende a nacionalizaçom dos caminhos de ferro, a priorizaçom das comunicaçons com Portugal, a plena electrificaçom da rede nacional, a instalaçom de ligaçons de dupla via e a potencializaçom do transporte de mercadorias por comboio.

O critério geral deve ser, para a formaçom independentista, favorecer a comunicaçom entre os núcleos de populaçom do País, bem como servir de alternativa ao transporte por estrada e integrar a Galiza urbana e a rural. Podes ver o comunicado na íntegra no web nacional de NÓS-Unidade Popular.


Voltar à página principal

 

 

Imagem das obras do troço do AVE entre Ourense e Compostela