Fraternidade comunista presidiu comemoraçom do X Aniversário de Primeira Linha

24 de Abril de 2006

Ao longo deste ano 2006, o nosso partido comemora os seus dez primeiros anos de vida, com diversos eventos que testemunham a consolidaçom do projecto comunista, independentista e antipatriarcal que representamos.

No dia 22 de Abril, num conhecido restaurante compostelano, umha ceia-acto político-festa serviu para juntar um bom número de camaradas, junto a companheir@s de organizaçons irmás e amig@s do partido. Foi um acto emocionante que começou polas 20'30 horas e que reuniu militantes que participárom, há dez anos, na fundaçom do nosso partido, junto a outros e outras incorporadas ao longo destes dez anos ao trabalho de construçom do partido comunista que o povo trabalhador galego necessita.

Depois da ceia de confraternidade numha sala completamente lotada, começou o acto propriamente político, com intervençons de camaradas e inclusive ex-camaradas que, tendo abandonado o nosso partido por diversos motivos, nom quigérom deixar de estar presentes e tomar a palavra para mostrar a sua adesom ao projecto libertador que Primeira Linha, hoje como há dez anos, representa.

Assim, Marcos Lopes Martins, fundador do partido e actualmente afastado da sua disciplina, foi o primeiro a tomar a palavra. Pedro Vila, Paulo Rico, André Seoane, Sérgio Pinheiro, Abraám Alonso… todos eles destacados dirigentes do nosso partido, em diversas etapas da última década ou na actualidade, junto a comunistas que, apesar da sua juventude, exercem destacado trabalho em diversos movimentos sociais, juvenis, estudantis, etc, como Rebeca Bravo, Maria Sanches ou Sabela Agrelo.

Diferentes organizaçons irmás de países vizinhos enviárom também a sua saudaçom fraterna neste dia tam especial para as comunistas e os comunistas galegos: Batasuna, do País Basco; Endavant (OSAN) e MDT; dos Países Cataláns; o colectivo comunista Política Operária, de Portugal; e o presidente da Cámara Municipal de Belém (Palestina), Víctor Batarseh, remetêrom escritos que fôrom lidos e ovacionados pol@s presentes.

A seguir, foi a vez das delegaçons de entidades sociais e políticas galegas convidadas e assistentes ao acto na capital compostelana. Tomárom a palavra: Bernardo Penabade, pola Associaçom Galega da Língua (AGAL); Senim Gonçales, pola organizaçom estudantil independentista AGIR; Antia Marinho, em representaçom da organizaçom juvenil da esquerda independentista, BRIGA; Xavier Moreda, em nome da Comissom pola Memória Histórica do 36, de Vigo; Lois Peres Leira, da Corrente Trabalhadores Galegos polo Socialismo; Roberto Laje, pola Corrente Vermelha; Laura Ogando, representando as Mulheres Nacionalistas Galegas (MNG); Gema Branco, pola Direcçom Nacional de NÓS-Unidade Popular; e José Colaço, do Comité Nacional do Partido Comunista do Povo Galego (PCPG).

As últimas intervençons correspondêrom ao camarada Igor Lugris, polo Comité Central do nosso partido, e finalmente ao secretário geral de Primeira Linha, o nosso camarada Carlos Morais.

A última fase da velada correspondeu à festa, garantida polo bom ánimo das numerosas pessoas presentes e a boa música de José Constenla, Tino Baz e o Grupo de Música Tradicional Avelaína, de Salvaterra de Minho. A celebraçom estendeu-se até passadas as três da madrugada e serviu para fortalecer os laços de irmandade comunista nom apenas no seio do nosso partido, mas com os companheiros, companheiras, amigos e amigas que nos honrárom com a sua presença nesta data tam especial para a nossa história partidária.

Podes ler a transcriçom da intervençom do secretário geral do nosso partido, Carlos Morais, no encerramento do acto político, aqui:

 

.: Galeria de imagens da ceia-acto político-festa de comemoraçom do X Aniversário de Primeira Linha:.

Oferecemos a seguir umha reportagem fotográfica do desenvolvimento deste importante evento partidário, com que comemorámos os nossos primeiros dez anos de luita. Podes carregar nas imagens para as veres aumentadas.

Aspecto da sala durante a ceia Mais umha visom parcial do desenvolvimento da velada A celebraçom estivo presidida polo ambiente festivo em todo o momento
A seguir à ceia, a camarada Íria Medranho exerceu de condutora do acto político Intervençom do ex-membro do Comité Central e hoje camarada na emigraçom, Pedro Vila Tábuas Bernardo Penabade pronunciou umhas palavras de saudaçom em nome da Associaçom Galega da Língua (AGAL) que preside
O camarada Abraám Alonso dirige-se ao auditório Marcos Lopes Martins, participante no processo de fundaçom do partido Paulo Rico, camarada e destacado activista no ámbito cultural, no seio do movimento de centros sociais galegos
André Seoane Antelo, membro do Comité Central do partido A camarada Rebeca Bravo, activista no movimento juvenil, na sua intervençom Instantánea da camarada Sabela Agrelo, representante da nova geraçom militante incorporada ao nosso partido
O camarada Sérgio Pinheiro intervindo perante o auditório de militantes e simpatizantes comunistas Maria Sanches, camarada do partido e activista no seio do movimento juvenil revolucionário galego Xavier Moreda, em representaçom da Comissom pola Memória Histórica do 36 de Vigo, dirigiu um emocionante discurso às presentes
Antia Marinho saúda em nome da entidade juvenil independentista BRIGA os dez anos de Primeira Linha Senim Gonçales, do Conselho Nacional de AGIR, organizaçom estudantil da esquerda independentista Lois Peres Leira, do colectivo de Trabalhadores Galegos polo Socialismo, na sua alocuçom durante o acto político
Laura Ogando, intervindo em representaçom das Mulheres Nacionalistas Galegas Roberto Laje, da Corrente Vermelha José Colaço falou em representaçom do PCPG, em qualidade de convidado à comemoraçom do nosso partido
Gema Branco representou a Direcçom Nacional de NÓS-UP no acto do passado dia 22
Igor Lugris, do Comité Central de Primeira Linha
Carlos Morais, secretário geral do nosso partido, pronunciou o discurso de encerramento do acto político
José Constela durante a sua actuaçom na fase mais festiva da noite
Um momento da actuaçom do cantor Tino Baz, com músicas de grande conteúdo patriótico
A música tradicional nom faltou, graças à participaçom dos Avelaína, de Salvaterra do Minho
 
Camaradas e amig@s do partido dançam ao som das gaitas e percussom do País A animaçom nom decaiu e a festa prolongou-se além das três horas da madrugada  

 

:: Mais informaçons sobre a comemoraçom dos X anos de Primeira Linha

Ceia-acto político-festa comemora hoje os 10 anos da fundaçom do nosso partido. (+...)

Sucesso das X Jornadas Independentistas Galegas (+...)

Jornadas Independentistas Galegas atingem décima ediçom (+...)

Primeira Linha comemora ao longo de 2006 o X aniversário (+...)

 

 

Voltar à página principal

 

 

Vista parcial do acto de ontem em Compostela. Podes ver na parte baixa desa mesma página umha completa galeria de imagens da jornada
Um momento da intervençom do secretário geral do nosso partido, Carlos Morais, no fim do acto político