BRIGA e AGIR encerram com êxito terceira ediçom da Escola de Formaçom

12 de Abril de 2006

Marinha, Condado... e Trasancos. A terceira ediçom da Escola de Formaçom que co-organizam as entidades juvenil e estudantil da esquerda independentista, BRIGA e AGIR respectivamente, concluiu com sucesso na comarca do Noroeste galego.

Várias dúzias de jovens e estudantes independentistas participárom mais um ano numha actividade formativa e lúdica que contribui para fomentar a preparaçom e o debate das mais novas e os mais novos militantes da esquerda independentista galega. Foi durante o passado fim de semana que, a caminho dos concelhos trasanqueses de Ferrol, Narom e Sam Sadurninho, as e os participantes se aproximárom da realidade histórica da repressom fascista, com semimários monográficos dedicadas a fazer balanço da II República espanhol na Galiza, a cargo de André Seoane Antelo; sobre a mulher no nacionalismo histórico galego, por Noa Rios Bergantinhos; e o intitulado “Memória histórica, umha visom nacional e social de género”, dado por Carlos Morais.

Um roteiro pola ameaçada carvalheira de Menáncaro, guiado por um membro da ADEGA, e a visita ao cemitério de Serantes, onde o historiador Bernardo Maiz expujo "sobre o terreno" a realidade da orgia repressiva protagonizada polos fascistas contra a populaçom da comarca em 1936, completárom as actividades ao ar livre. Um debate entre entidades sociais da comarca, com participaçom da Fundaçom Artábria, a associaçom O Fervesteiro, o Ateneu Ferrolano e Rádio Filispim, junto a concertos, jantares e outras actividades lúdicas completárom mais um ano a Escola de Formaçom que pouco a pouco vai assentando como referência inescusável no calendário de actividades da nossa esquerda independentista.

Pola nossa parte, nom podemos deixar de parabenizar os companheiros e companheiras das entidades organizadoras, à espera de umha nova ediçom para ano próximo, que sem dúvida marcará um novo passo em frente na auto-organizaçom revolucionária da juventude e @s estudantes galeg@s.

Mais informaçom e imagens da III Escola de Formaçom podem ser consultadas no web de BRIGA.

 

:: Mais informaçons sobre o mesmo tema

Estudantes e jovens independentistas convocam III Escola de Formaçom (+...)


Voltar à página principal

 

 

Imagem de um dos seminários incluídos no programa da Escola de Formaçom deste ano