Denunciam montagem policial contra um burelao residente no País Basco

20 de Setembro de 2006

Membros da rádio livre Zintzilik Irratia, da vila basca de Orereta, figérom-nos chegar a denúncia pola "montagem policial" sofrida por dous integrantes do referido meio de comunicaçom, coincidindo com a queima da estaçom de comboios dessa localidade. Ambos jovens, um deles natural de Burela (comarca da Marinha), estavam a colar cartazes polo bairro quando fôrom detidos, segundo testemunham diversas vizinhas e vizinhos que presenciárom a detençom.

Os companheiros e companheiras dos detidos denunciam as falsidades da versom oficial, que fala da tentativa de fugir por parte dos jovens e da fugida de umha terceira pessoa, inexistente na realidade dos factos.

Para hoje estava prevista umha conferência de imprensa para oferecer mais pormenores sobre a detençom e as falsas acusaçons que pesam sobre os jovens, um dos quais leva vários anos a trabalhar no País Basco procedente da Galiza.

 

Voltar à página principal