NÓS-UP deseja as melhoras a Fidel e reafirma apoio à Revoluçom Cubana

2 de Agosto de 2006

Num momento em que os meios do imperialismo se dirigem a alimentar todo o tipo de especulaçons rumadas a minar a direcçom do processo revolucionário cubano e a resistência do seu povo perante o imperialismo ianque, a Direcçom Nacional de NÓS-Unidade Popular difundiu um comunicado em que transmite os desejos de melhora para a saúde de Fidel e o apoio da esquerda independentista galega ao povo de Cuba. Um apoio a que se soma toda a militáncia do nosso partido, num gesto com que queremos transmitir o nosso sincero afecto pola liderança de Fidel e polo exemplo revolucionário e internacionalista do povo de Cuba.

Polo seu interesse, reproduzimos o texto, publicado no web nacional de NÓS-UP, integramente:

NÓS-UP deseja as melhoras a Fidel e reafirma apoio da esquerda independentista galega à Revoluçom Cubana

Nestes momentos em que o Comandante Fidel Castro, presidente da República de Cuba, atravessa um momento delicado de saúde, NÓS-Unidade Popular quer fazer chegar ao povo irmao de Cuba e às suas instituiçons todo o apoio e simpatia das e dos independentistas galegos, desejando e confiando numha rápida recuperaçom de Fidel.

Nom temos nengumha dúvida que, face às calúnias e manobras do imperialismo e dos seus agentes políticos e mediáticos, o povo cubano saberá manter firme o rumo do seu processo revolucionário, reafirmando a via socialista e servindo, como até hoje, de exemplo aos povos do mundo na nossa comum luita anti-imperialista.

Galiza sempre com Cuba!
Viva Fidel!

Direcçom Nacional de NÓS-Unidade Popular

 

Voltar à página principal