Fogo florestal também queima a Galiza oriental

9 de Agosto de 2006

Contra a tendência (des)informativa a isolar as comarcas excluídas da Comunidade Autónoma da Galiza da actualidade que também lhes afecta, informamos de que foi declarado alerta de nível 2 por grande incêndio nos concelhos de Cubilhos e Toreno, na regiom galega sob administraçom Castelhano-Leonesa do Berzo.

O grave risco para a populaçom nos termos municipais de Cubilhos e Toreno, concretamente nos montes de Fresnedo e Finolhedo e em Valdaloba, provocada por um grande incêndio que se originava na manhá da terça-feira 8 de Agosto, obrigou à declaraçom por parte do delegado territorial da Junta de Castela e Leom na regiom do Berzo, Eduardo Fernández, da nível 2 do Plano de Emergências perante Incêndios Florestais de Castela e Leom (INFOCAL).

A Guarda Civil de Tráfego procedeu a cortar a circulaçom na estrada Ponferrada-Vilhablino, desviando o tránsito pola estrada de Veiga de Espinhareda e Faveiro, dado que o incêndio, que segundo as primeiras pesquisas das Brigadas de Investigaçom de Incêndios Florestais (BIIF) foi provocado, impedia a passagem por esta importante via de comunicaçom.

Se bem ainda nom é possível determinar a área devastada, as primeiras estimaçons falam de mais de 200 hectares de superfície florestal, composta de mato, pastos e pinheiros.

 

:: Mais informaçons sobre o mesmo tema

NÓS-UP sublinha a localizaçom geográfica e os interesses urbanísticos na sua análise dos fogos florestais (+...)

O fumo nom oculta as mentiras de Tourinho (+...)

Fogos destróem rural galego e BNG reconhece que mantém estratégia do PP (+...)

 

Voltar à página principal

 

 

Imagem dos fogos destes dias na comarca galega do Berzo