Centro social da Gentalha do Pichel cumpre o seu primeiro ano

6 de Outubro de 2006

Nestes dias comemora-se mais um aniversário de um dos centros sociais de referência criados nos últimos tempos no seio do movimento popular galego. Trata-se d'O Pichel, promovido pola Associaçom Cultural a Gentalha do Pichel na capital da Galiza, um espaço de grande dinamismo durante estes primeiros doze meses, que demonstrou a viabilidade da nossa autoconstruçom como comunidade nacional e à margem de quaisquer dependências institucionais.

A entidade promotora do centro social da rua de Santa Clara, em Compostela, comemora a efeméride com diversas actividades neste sábado dia 7, a partir das 20 horas: umha exposiçom fotográfica e de cartazes sobre o primeiro ano de actividades, umha avaliaçom da dinámica gerada polo centro social neste tempo a cargo da sua secretária geral e petiscos para a vizinhança e amig@s que assistam a celebrar o primeiro ano de vida.

Afinal, umha actuaçom musical de Nelson Quinteiro abrirá a segunda parte da jornada festiva, já à noite, seguida da inauguraçom do que @s companheir@s da Gentalha baptizárom como "Disco-Pichel", música para convidar a dançar.

Entretanto, a actividade prevista para este segundo ano d'O Pichel foi já anunciada no que toca a este Outono: cursosde pandeireta, tamboril, gaita e dança, além dos novidosos de coiro, teatro, cartom-pedra, harmonia, português e corda.

Mais informaçom no blog da Gentalha do Pichel.

 

Voltar à página principal