i

Maria do Mar Bezerra Moinhos: nova vítima do terrorismo machista

7 de Julho de 2006

A jovem de Valdovinho Maria do Mar Bezerra Moinhos é a última vítima do terrorismo machista na Galiza. O seu corpo foi encontrado numha garagem de Cedeira após ter confesado o seu assassino Francisco Prieto Santamaria, de 43 anos e vizinho de Narom.
Maria do Mar Bezerra levava desaparecida desde o sábado 1 de Julho quando caiu na armadilha de Francisco Prieto que fazendo-se passar por guarda civil que necessitava umha baby sister para cuidar dumha criança citouna no prédio de Cedeira onde posteriormente ocultou o cadáver.

MNG participou na concentraçom de Ferrol

Diversas organizaçons feministas denunciárom este crime machista. A Assembleia de Mulheres do Condado (AMC) realizou onte umha concentraçom diante da Cámara Municipal de Ponte Areas onde também instalou umha silueta com o nome de Maria do Mar. Também em Ferrol a Marcha Mundial das Mulheres convocava umha concentraçom diante do prédio da Junta da Galiza.


Pola sua parte, NÓS-UP emitiu um comunicado em que afirma que a "resposta das forças políticas do sistema e dos seus meios de comunicaçom nom passará, mais umha vez, do hipócrita lamento que evita aprofundar no verdadeiro eido do problema: o patriarcado. Por isso encorajamos às mulheres a darem passos na auto-organizaçom e a denúncia para combatermos a lacra machista".


Voltar à página principal