Campanha das MNG em Ferrol contra o financiamento público do integrismo católico
14 de Abril de 2006
A entidade feminista
Mulheres Nacionalistas Galegas contesta nestes dias em Ferrol o apoio institucional
à chamada "Semana Santa ferrolana", tradiçom imposta
polos sectores mais reaccionários da cidade, ligados ao Exército
espanhol e à extrema-direita, e que ano após ano continua a
ser subsidiada com dinheiro público de todas as ferrolanas e ferrolanos.
MNG editou autocolantes
e cartazes que estám a ser colados sobre a propaganda de exaltaçom
católica, além de emitir um comunicado em que rejeita "o
financiamento público por parte do Concelho, Junta da Galiza e Deputaçom
destas monstras de exaltaçom do integrismo católico que representam
as procissons de "Semana Santa".
A organizaçom feminista lembra que "numha sociedade nom sexista nom há espaço para a submissom do político ao religioso, nom há espaço para a intolerância dos clérigos, bispos, imáns ou rabinos regendo a nossa vida e os nossos corpos", enquanto "seguem negando os nossos direitos sexuais e reprodutivos, onde os nossos corpos nom som nossos e o nosso prazer continua a ser pecado".