Lisboa: solidariedade com a Galiza no Dia da Pátria

28 de Julho de 2006

A Associação de Solidariedade com a Galiza de Lisboa (GZ.pt) comemorou o 25 de Julho, Dia da Pátria Galega, com a realizaçom de um mural na Calçada da Glória, segundo informou a referida entidade, formada por portugueses e galeg@s que trabalham na difusom da luita nacional e social na Galiza.

A voz da Galiza ficou assim presente mais umha vez no centro de Lisboa, desta vez na rua pola qual habitualmente circula o conhecido ascensor que comunica a Praça dos Restauradores com o Bairro Alto. No mural lê-se bem clara a data do nosso Dia Nacional e a reivindicaçom do direito de autodeterminaçom.

Este mural fai parte das variadas iniciativas organizadas por este colectivo galego-português de recente criaçom, onde se integram representantes da esquerda portuguesa, e que pretende achegar a realidade do povo galego, da sua língua, da luita pola autodeterminaçom aos portugueses e portuguesas.

 

 

Voltar à página principal