Pleno municipal de Ortigueira aprovou finalmente retirada da "Avenida do General Franco"

1 de Setembro de 2006

A proposta fora já apresentada em forma de moçom municipal por NÓS-Unidade Popular no passado mês de Abril, e acompanhada da retirada efectiva de umha das placas da principal rua da vila do Ortegal. No entanto, como em todos os casos em que a formaçom independentista apresentou propostas similares em concelhos galegos, nom houvo resposta institucional.

Agora, vinhemos a saber que o PSOE da localidade de Ortigueira apresentou umha iniciativa para retirar definitivamente o nome do sanguinário ditador espanhol da vila. O pleno municipal apoiou a proposta e os três partidos representados (PP -maioritário, PSOE e BNG) discutem agora que nome darám à avenida.

NÓS-Unidade Popular, que desenvolve umha intensa campanha contra os símbolos franquistas em todo o País, avaliou positivamente a decisom do pleno, parcialmente acorde com a proposta da esquerda independentista. Para que o acordo seja completo, NÓS-UP reiterou a proposta de que o presidente da Cámara da vizinha Cedeira na altura do golpe de Estado, Manuel Fernandes Freixeiro, fusilado polos militares fascistas, dê nome à avenida.

A formaçom independentista e socialista sublinhou também a necessidade de que o PSOE seja coerente e aplique medidas similares noutros concelhos em que governa, tais como os da Corunha (inçado de simbologia fascista) ou o de Neda, onde subsiste umha "cruz dos caídos" que NÓS-UP já pintou totalmente de cor-de-rosa no passado mês de Dezembro.

 

 

Voltar à página principal