Dezenas de milhares de basc@s manifestam-se pola autodeterminaçom

13 de Agosto de 2006

A firmeza do movimento independentista basco conseguiu romper as proibiçons judiciais do tribunal de excepçom espanhol, a Audiência Nacional, e dezenas de milhares de pessoas marchárom na tarde deste domingo polas ruas do centro de Donostia para reivindicarem que "Euskal Herria tem a palavra e a decisom".

O protagonismo correspondeu a própria populaçom, umha vez que as e os dirigentes políticos do movimento pola independência só marcárom presença no início. Além da autodeterminaçom, a mobilizaçom serviu para reclamar os direitos dos presos e presas bascas como chave para "construir um futuro em paz".

A estratégia repressiva com que o PSOE e os aparelhos do Estado estám a responder à iniciativa política da esquerda abertzale viu-se assim mais umha vez ultrapassada pola força da razom e dos factos: a de umha maioria social basca que defende a sua soberania como povo e está disposta a exercê-la frente às proibiçons dos estados espanhol e francês.

Da Galiza, e como parte da esquerda independentista galega, nom queremos deixar de manifestar a nossa solidariedade ao povo trabalhador basco na sua longa luita pola independência e o socialismo.

 

 

Voltar à página principal