Novas manifestaçons pola autodeterminaçom e os direitos d@s pres@s no País Basco

27 de Agosto de 2006

Neste fim de semana confirmou-se a dinámica de mobilizaçons populares por parte de importantes segmentos do povo basco, exigindo o reconhecimento dos seus direitos nacionais e o fim da repressom espanhola.

Assim, na sexta-feira, dia 25 de Agosto, umhas 10.000 pessoas manifestárom-se polas ruas de Bilbo sob a legenda "Autodeterminaçom para Euskal Herria", após ter a convocatória novamente superado os obstáculos colocados polo Estado espanhol a cada manifestaçom e acto político da esquerda abertzale. @s manifestantes exigírom que o processo aberto com o cessar-fogo da ETA seja levado a sério polo Governo espanhol e que deixe de apertar-se a porca da repressom.

Em relaçom com a estratégia repressiva do PSOE à frente do Estado espanhol, no sábado 24 de Agosto houvo umha nova manifestaçom, desta vez em Donostia, para reivindicar os direitos das centenas de presas e presos políticos bascos cujos direitos som flagrantemente violados polo Estado espanhol.

Iñaki de Juana, preso actualmente em greve de fame depois de ter cumprido a sua condena e a Justiça espanhola fabricar novas causas para o condenar novamente a umha prisom perpétua de facto, encarnou na manifestaçom de Donostia o grito de amnistia de mais de 2.000 pessoas, sob ameaça policial permanente.

Pola nossa parte, de Primeira Linha, nom queremos deixar de transmitir a nossa solidariedade ao povo trabalhador basco e aderir à exigência de respeito para os direitos dos seus presos e as suas presas políticas. Só assim poderá avançar-se num verdadeiro processo que supere o confronto armado em favor de umha nova dialéctica baseada no reconhecimento dos direitos democráticos que assistem ao povo basco.

 

:: Mais informaçons sobre o mesmo tema

Dezenas de milhares de basc@s manifestam-se pola autodeterminaçom (+...)

Nova mobilizaçom multitudinária reclama direitos civis e nacionais no País Basco (+...)

NÓS-Unidade Popular fai pública a sua posiçom perante o cessar-fogo declarado pola organizaçom revolucionária basca ETA (+...)

 

Voltar à página principal

 

 

Vista parcial da manifestaçom de Donostia
Marcha autodeterminista anteontem nas ruas de Bilbo