Novas detençons em Ponte Areas: Guarda Civil continua a assediar a esquerda independentista

7 de Abril de 2006

A comarca do Condado viveu ontem umha nova jornada repressiva e de assédio ao sector social aglutinado pola esquerda independentista, protagonizada mais umha vez pola Guarda Civil espanhola. O alvo fôrom desta vez dous integrantes da Assembleia Aberta do Local Social A Baiuca Vermelha, que polas 15.30 horas fôrom conduzidos ao quartel que o citado grupo armado tem na vila.

NÓS-Unidade Popular informou do desenvolvimento da jornada, que nom se limitou à detençom por mais de duas horas dos dous vizinhos de Ponte Areas, apesar de nom existir nengumha acusaçom concreta contra eles. Ameaças e pressons por parte dos fardados dérom passagem à vigiláncia de polícias à paisana nas moradas de conhecid@s militantes independentistas da localidade, enquanto um número importante de agentes rodeava o Local Social A Baiuca Vermelha, numha aparente ameaça de ocupaçom das instalaçons.

Porém, a base social do Local Social dirigiu-se ao mesmo e finalmente A Baiuca Vermelha abriu as suas portas sob vigiláncia durante toda tarde. Entre as "curiosas" provocaçons contra a militáncia de NÓS-UP, destaca a colagem de autocolantes com a bandeira de Espanha com o logótipo da Guarda Civil no carro de um conhecido independentista da comarca do Condado.

Polas 21 horas, umha concentraçom convocada por NÓS-UP em frente à Cámara Municipal de Ponte Areas serviu para denunciar as provocaçons e assédio imposto mais umha vez pola Guarda Civil contra a actuaçom política e social da esquerda independentista e em solidariedade com os dous companheiros arbitrariamente detidos para a continuaçom ficarem livres e sem cargos.

Também nós queremos solidarizar-nos com os companheiros e companheiras do Local Social A Baiuca Vermelha, e denunciar a contínua perseguiçom a que o nosso movimento soberanista e socialista se vê submetido por parte da autodenominada "democracia espanhola".

 

:: Mais informaçons sobre o mesmo tema

NÓS-Unidade Popular sofreu jornada de perseguiçom política por parte da Guarda Civil (+...)


 

Voltar à página principal

 

 

Concentraçom em apoio aos detidos ontem em Ponte Areas