Manifestaçom solidária com o Líbano e Palestina na Corunha, enquanto o BNG apoia envio de tropas espanholas

4 de Setembro de 2006

Arredor de duascentas pessoas manifestárom-se na passada sexta-feira na Corunha, convocadas pola Plataforma Galega contra a Agressom Sionista no Líbano e Palestina. Entre os manifestantes, achava-se o Alcaide de Oleiros, Ángel García Seoane, assim como umha representaçom do grupo municipal oleirês Alternativa dos Veciños.

A manifestaçom partiu do Obelisco pouco mais tarde das oito e meia do serao e decorreu pola avenida da Marinha até a praça de Maria Pita. Durante a marcha, coreárom-se palavras de ordem como "Intifada, Palestina vencerá", "Ianques e Sionistas, som os terroristas" ou "Fora tropas do Líbano e Palestina".

Ao termo da manifestaçom, leu-se um comunicado em que se condenava a resoluçom 1701 da ONU -além de criticar-se o papel das forças de interposiçom no Líbano- e reclamava-se a investigaçom e julgamento dos crimes de guerra cometidos durante a agressom militar ao Líbano, sançons diplomáticas e económicas a Israel, a suspensom do envio de tropas espanholas ao Líbano e o reconhecemento internacional para o governo palestiniano.

A mobilizaçom contou com o apoio e participaçom da esquerda independentista.

BNG apoia envio de tropas espanholas

Junto a IU e o PSOE, o BNG aderiu também à campanha imperialista da UE. O seu porta-voz no Congresso espanhol, Francisco Rodrigues, declarou aos meios que o seu grupo apoia o envio de tropas espanholas por responder a umha resoluçom das Naçons Unidas. Polos vistos, os termos dessa resoluçom, empenhada em desarmar a resistência libanesa e tolerante com o militarismo imperialista de Israel, nom tem qualquer valor para o BNG, que legitima o intervencionismo espanhol sem garantir a defesa das verdadeiras vítimas do conflito provocado polo expansionismo sionista.

 

 

:: Mais informaçons sobre o mesmo tema

Novas concentraçons solidárias com o Líbano e Palestina nesta sexta-feira (+...)

Galiza com a Palestina e o Líbano: quase 1.500 pessoas nas ruas galegas contra o genocídio (+...)

Plataforma Galega contra a agressom sionista convoca concentraçons em sete cidades galegas (+...)

Nom ao sionismo (+...)

Líbano: insuportável exibiçom sangrenta dos nazi-sionistas (+...)

Por apologia do terrorismo: ilegalizar o Partido Popular (+...)

Israel dispom-se à invasom terrestre do Líbano para continuar o massacre de civis (+...)

Publicamos análise política de James Petras sobre a actual ofensiva sionista (+...)

Cuba, exemplo de digna solidariedade frente às agressons sionistas (+...)

Mais de 50 civis vítimas mortais nos ataques israelitas ao Líbano, incluindo 15 crianças (+...)

Sionismo continua campanha de extermínio (+...)

Criminal ofensiva sionista contra Palestina (+...)

Declaraçom da FPLP sobre o ataque sionista na Prisom de Ariha (+...)

Terrorismo de estado: Israel assalta ilegalmente prisom palestiniana com o aval ianque e da Uniom Europeia (+...)

Estado sionista anuncia novas anexaçons de territórios palestinianos (+...)

Palestina: "a história é a favor dos pequenos" (+...)

«Nunca digas "nunca Hamas"» (+...)

 

Voltar à página principal

 

 

Vista da manifestaçom da sexta-feira na Corunha