Tourinho garante "renúncias sem limites" do PSOE e o BNG para a aprovaçom do novo Estatuto

13 de Maio de 2006

O presidente do Governo de coligaçom entre PSOE e BNG, Emilio Peres Tourinho, falou em nome das duas forças numha conferência de imprensa em que estivo acompanhado por Manuel Chaves, presidente da Comunidade da Andaluzia polo PSOE. A novidade do seu discurso foi o anúncio da disposiçom do seu partido e do BNG para fazer "renúncias sem limites" no processo de elaboraçom de um novo Estatuto de Autonomia para a Galiza.

Tourinho reclamou ao PP idêntica atitude para propiciar o que anunciou como "Estatuto do encontro", que deverá ser aprovado antes de o ano findar, dando garantias de que essa é a posiçom que irá ter nom apenas o PSOE, mas também o BNG.

O presidente da Junta afirmou que o novo texto estatutário contará com as "máximas competências, autogoverno e o maior reconhecimento da identidade", rechaçando a possibilidade de "um estatuto de segunda". Explicando o que isso significa, reivindicou a seguir que "todas as comunidades autónomas tenham os mesmos direitos", marcando como aspiraçom máxima do Governo que preside que a Galiza "poda ser um referente e umha ponte de uniom para essa Espanha plural".

 

:: Mais informaçons sobre o mesmo tema

Bases Democráticas Galegas continuam campanha pola autodeterminaçom (+...)

 

Voltar à página principal

 

 

Três dos representantes autonómicos da "Espanha plural" do PSOE