Candidatura municipal "Vigo de esquerda" já estreou web

20 de Setembro de 2006

A candidatura autodeterminista e de esquerda apresentada na passada semana em Vigo com o olhar posto nas eleiçons municipais do próximo ano anunciou já a activaçom de um web que, com formato de bitácora, oferecerá toda a informaçom sobre a actividade política de Vigo de Esquerda. O endereço é vigodeesquerda.blogspot.com

O comunicado difundido pola nova agrupaçom política local, que integra diversos sectores da esquerda nacional no concelho viguês, afirma que visa "criar um espaço informativo de referência para que a sociedade viguesa conheça, de primeira mao, a actividade pública e os posicionamentos de Vigo de Esquerda".

Contodo, o web nom ficará nisso. A intençom é também "dar voz a todas as iniciativas emanadas do conjunto dos movimentos sociais vigueses e para pôr a disposiçom das suas leitoras e leitores umha análise da realidade alternativa à dos meios de comunicaçom tradicionais".

Vigo de Esquerda informa ainda de que o web está em fase de provas, e irá ser completado nos próximos dias com novos conteúdos e secçons.

Umha boa notícia para o Vigo soberanista e de esquerda, que dá passos para apresentar umha alternativa aos esgotados projectos neoliberais e regionalistas das formaçons representadas na Cámara Municipal viguesa.

 

:: Mais informaçons sobre o mesmo tema

Municipais '07: Haverá candidatura soberanista e de esquerda em Vigo (+...)

 

Voltar à página principal