Vigo de Esquerda adere à homenagem aos cinco últimos fusilados do franquismo

27 de Setembro de 2006

A agrupaçom eleitoral Vigo de Esquerda manifestou a sua adesom aos actos convocados pola Asociación Viguesa pola Memoria Histórica com motivo do aniversário da morte dos 5 militantes antifascistas fusilados em 27 de Setembro de 1975.

Trata-se de um acto de homenagem no cemitério de Pereiró, que decorre hoje a partir das 18 horas, e no qual serám lembrados os últimos cinco fusilados pola ditadura fascista espanhola, em Setembro de 1975. Entre os cinco antifascistas, achavam-se dous vigueses, Baena e Sánchez-Bravo, junto aos bascos Txiki e Otaegi, e a García Sanz

No cemitério viguês de Pereiró está enterrado José Humberto Baena, em cuja figura se adensa a reivindicaçom antifascista que a Asociación Viguesa pola Memória Histórica quer manter acesa com esta iniciativa popular, que fai parte das muitas que estám a decorrer um pouco por toda a Galiza com motivo dos 70 anos do golpe de estado franquista.

Pola nossa parte, além de apoiarmos a iniciativa, nom queremos deixar de chamar a atençom sobre o desprezo das instituiçons e os seus partidos "de esquerda" por estes e outros luitadores assassinados na última fase do franquismo, neste "Ano da Memória". Referimo-nos sobretodo à Junta da Galiza, ao PSOE, o BNG e IU, no caso da Galiza. O seu carácter de "nom assimiláveis" pola ideologia oficial sublinha a autenticidade e vigência da luita destes militantes da liberdade.

 

:: Mais informaçons sobre o mesmo tema

Candidatura municipal "Vigo de esquerda" já estreou web (+...)

Municipais '07: Haverá candidatura soberanista e de esquerda em Vigo (+...)

 

Voltar à página principal