Acto de repúdio ao carniceiro Capitám Carreró em Vigo

27 de Setembro de 2006

Mais umha iniciativa inscrita no Ano da Memória decorre nesta quinta-feira, mais umha vez no cemitério de Pereiró, em Vigo. Trata-se de um "Acto de Repúdio" convocado por Vigo de Esquerda.

O capitám Carreró foi um dos maiores carniceiros fascistas nos primeiros dias a seguir ao golpe de estado de 18 de Julho de 36. Centenas de militantes da esquerda viguesa caírom assassinados por ordem desse sicário, que por sua vez morreria no mesmo ano, a 27 de Setembro, num confronto armado nas Astúrias.

Vigo de Esquerda denuncia no seu web a subsistência do mausoleu construído em Pereiró polas forças reaccionárias da cidade, e convoca para este dia 28 às 18 horas umha concentraçom que sirva para reivindicar a retirada do monumento de exaltaçom fascista do recinto, já que "ofende a memória de todos os vigueses e viguesas".

No acto, tomarám a palavra Lois Peres Leira e Alberte Moço, integrantes da candidatura municipal Vigo de Esquerda, junto a familiares de vítimas do militar fascista que trarám a memória da luita antifascista nos primeiros dias a seguir à sublevaçom militar de 1936.

 

:: Mais informaçons sobre o mesmo tema

Vigo de Esquerda adere à homenagem aos cinco últimos fusilados do franquismo (+...)

Candidatura municipal "Vigo de esquerda" já estreou web (+...)

Municipais '07: Haverá candidatura soberanista e de esquerda em Vigo (+...)

 

Voltar à página principal