Classe Obreira Galega convocada em Ferrol

8 de Março de 2007

A Confederaçom Intersindical Galega convoca a principal mobilizaçom do Dia da Classe Obreira Galega, que decorrerá em Ferrol neste domingo dia 10 de Março. A marcha operária partirá às 12.30 horas do monumento levantado na praça do mesmo nome em lembrança dos dous obreiros assassinados a tiro pola polícia franquista em 1972.

Antes da manifestaçom, haverá um acto de homenagem a Amador e Daniel, organizada pola própria CIG e que conta com a adesom, entre outros sectores, das organizaçons da esquerda independentista.

A CIG editou um manifesto em que estabelece semelhanças entre a situaçom actual e a que em 1972 custou a vida de Amador e Daniel, no senso de estar em causa, novamente, a capacidade de a classe trabalhadora galega manter a independência de classe na luita polos direitos. Refere-se a CIG a como o sindicalismo vendido espanhol assina cada ano novos pactos lesivos para a maioria operária com o patronato, enquanto as condiçons de vida do nosso povo trabalhdor pioram e as condiçons laborais ficam mais e mais precárias.

Também NÓS-UP emitiu um comunicado em que, além de apoiar a mobilizaçom da CIG, sublinha o custo que o continuísmo do BNG e o PSOE em relaçom ao PP está a ter para o povo trabalhador galego. Identificando as cúpulas da UGT e CCOO como "corruptas e burocráticas", NÓS-Unidade Popular parabeniza o sindicalismo nacional e de classe pola sua firmeza ao recusar-se a assinar acordos com a burguesia, e avalia como imprescindível "passar à ofensiva" com informaçom e mobilizaçom, a partir de umha "tabela reivindicativa clara e precisa, que imponha umha nova política socioeconómica à Junta da Galiza".

Podes ler aqui o comunicado completo de NÓS-Unidade Popular.

A seguir, oferecemos as informaçons concretas sobre os actos convocados em Ferrol para este sábado, 10 de Março, Dia da Classe Obreira Galega, aos quais se soma o nosso partido, apelando à adesom dos trabalhadores e trabalhadoras galegas:

ACTOS DA CIG

12h30 Manifestaçom desde o Monumento 10 de Março (Inferninho)
14h00 Jantar popular (Cantom)
16h30 Projecçom do documentário "Metal e Luita" (Cantom)
18h00 Concerto (Cantom)
A Quenlha
Os Três Trebons
Dandy Fever

 

Voltar à página principal