Numerosas iniciativas e mobilizaçons polo Dia contra a violência machista

23 de Novembro de 2006

As inicitivas feministas com motivo do Dia contra a violência machista, agendado para 25 de Novembro, começárom já ontem na Corunha com um debate convocado pola Marcha Mundial das Mulheres sobre "a violência psicológica", que incluiu umha projecçom de fragmentos do filme espanhol Solas.

Hoje, em Carvalho, a mesma entidade feminista organiza a chamada "carpa do movimento associativo", com umha exposiçom fotográfica. Também hoje, polas 22.00 horas, a Gentalha do Pichel em colaboraçom com o Cineclube de Compostela e Mulheres Nacionalistas Galegas projectam no Centro Social O Pichel da capital galega o filme Terra Fria, na versom original legendada em português.

E amanhá, dia 24, haverá umha ocnvocatória de ruada reivindicativa às 20 horas no centro de Ponte Vedra, a seguir às actividades tradicionais na praça 8 de Março, que começam polas 18 horas. Já às 20.30h, a jornada conclui com umha concentraçom reivindicativa contra a violência machista.

No mesmo dia 24, em Vigo, a Marcha fará umha composiçom simbólica feita de sapatos de mulheres a partir das 17 horas na rua Príncipe, diante do Marco. Na vila de Cee, na Costa da Morte, convocam-se as III Jornadas contra a Violência de Género, às 20 horas no salom de plenos da Cámara Municipal, que incluem umha conferência de Esperanza Castelo Gomes, técnica superior do SGI.CIAM da Corunha, sobre "o fenómeno da violência", seguida de um debate.

Já para o dia 25, estes som os actos previstos em diversas comarcas do País:

- Carvalho (Marcha Mundial das Mulheres)

Concentraçom diante da Casa do Concello às 19hs "Respeita-me"

- Compostela (Marcha Mundial das Mulheres)

Concentraçom na Praça do Toural às 18hs. Desenho de siluetas de mulheres representando às vítimas de violência.

- Corunha (Marcha Mundial das Mulheres)

Concentraçom no Obelisco às 19hs "Respeita-me"

- Cee (Marcha Mundidal das Mulheres)

III JORNADAS CONTRA A VIOLÊNCIA DE GÉNERO
* Às 17 hs na Escola Municipal de Música:
Obradoiro: Nosoutras sabemos.
Nosoutras valemos.
Nosoutras podemos
.
Juntas vamos aprender a cuidar-nos melhor e a querer-nos mais a nós próprias. Umhas com as outras vamos aprender a valorizar-nos mais no que somos e no que valemos.
Tereixa Ledo Regal (Socióloga, animadora de obradoiros de crescimento pessoal.)
Inscriçom prévia: até o día 21, nos telefones: 651-986191 ou 666-629875

Concentraçom sob a legenda Respeita-me: às 20 hs na Praça do 8 de Março, em Cee.

- Fene (Marcha Mundial das Mulheres)

Às 18hs concentraçom na Praça do Ameneiral (Praça Verde) em Perlio. Construçom simbólica com sapatos de mulheres e nenas. Actividades de animaçom sobre distintos tipos de violências.

- Ponte Areas (Assembleia de Mulheres do Condado)

Concentraçom às 20.30h diante da Cámara Municipal de Ponte Areas. A AMC remeteu-nos o manifesto editado com motivo do 25 de Novembro, que reproduzimos aqui na íntegra.

- Ponte Vedra (Marcha Mundial das Mulheres)

Às 8 da manhá na Praça 8 de Março, construçom de um cemitério simbólico com as lápides das mulheres vítimas de violência. Visibilizaçom de distintas situaçons de violência nas ruas da cidade.

- Vigo (Marcha Mundial das Mulheres)

Manifestaçom às 18hs na Praça Urzaiz, entrada a Príncipe

A esquerda independentista manifestou o seu apoio a todos os actos convocados. NÓS-Unidade Popular, além de aderir às convocatórias, difundiu um manifesto próprio intitulado "Integrismo católico inimigo das mulheres". Podes lê-lo na íntegra no web da formaçom independentisa e socialista.

 

Voltar à página principal

 

 

Clica na imagem para a veres em tamanho maior