II Jornadas Feministas do Condado e exposiçom polo IV Aniversário

9 de Maio de 2007

Por segundo ano consecutivo, a Assembleia de Mulheres do Condado organiza as II Jornadas Feministas. Nesta ocasiom, a iniciativa, que se desenvolverá nos dias 10 e 11 de Maio, conta com a presença de Aurora Marco e de Teresa Moure.

Aurora Marco, professora da USC, que acaba de dar a lume o “Dicionário de mulheres galegas”, intervirá na quinta-feira dia 10 com umha palestra intitulada “As mulheres também existimos. Recuperando a memória feminina”.

Ao dia seguinte, a também professora da USC Teresa Moure, ganhadora do prémio Xerais de 2005 com a novela “Herba moura” falará sobre “ A linguagem das mulheres”. Os actos terám lugar no Local Social Baiuca Vermelha de Ponte Areas, a partir das 20.30 horas.

AMC comemora quarto aniversário com exposiçom

Simultaneamente será inaugurada umha exposiçom sobre os 4 anos da AMC. O Local Social Baiuca Vermelha acolhe, a partir da quinta-feira 10 de Maio, a exposiçom “4 anos de autoorganizaçom feminista no Condado” para comemorar o quarto aniversário da Assembleia de Mulheres do Condado.

Com esta exposiçom, que recolhe umha boa parte dos materiais editados pola AMC nestes anos, o colectivo de mulheres quer divulgar a intensa actividade em defesa da mulher realizado na comarca do Condado. Boletins, fotos, cartazes, autocolantes, etc recolhem as principais iniciativas que tingírom de emancipador lilás a comarca do sul da Galiza nos últimos quatro anos de activismo feminista. A exposiçom pretende ainda dar a conhecer ao conjunto das mulheres e homens do Condado a ilusionante e necessária andaina iniciada em 2003, à qual desejamos longa vida.

A exposiçom pode ser visitada todos os dias ao longo do mês de Maio a partir das 19 horas.

 

Voltar à página principal