Iniciativa conjunta de BRIGA e AGIR: Formaçom, lazer e convívio, de maos dadas em Oleiros

2 de Abril de 2007

A juventude revolucionária galega organizou no passado fim de semana três jornadas de convívio na paróquia oleirense de Santa Cruz, coincidindo com o início das férias de Primavera.

Estudantes, trabalhadores e trabalhadoras participárom no encontro, realizado por quarto ano consecutivo, dedicado desta vez a estudar as luitas operárias na história recente da Galiza, a trajectória do movimento estudantil patriótico nos últimos anos, a actualidade das luitas sociais e políticas no novo século que vivemos e o estado e perspectivas da luita feminista.

André Seoane, trabalhador do metal e militante independentista; Daniel Lourenço, dirigente de BRIGA; Carlos Morais, secretário geral de Primeira Linha; Rute Cortiço e Zéltia Fernandes, militantes das entidades organizadoras, fôrom os companheiros e companheiras encarregadas das palestras e debates desenvolvidos ao longo do passado sábado.

A festa com música tradicional galega, um jantar de convívio no exterior e um roteiro ao castelo de Santa Cruz completárom as actividades das jovens e os jovens da esquerda independentista, que confirmam a estabilidade da Escola de Formaçom anual coorganizada pola entidade estudantil AGIR e a juvenil BRIGA. Nos webs das respectivas organizaçons podes ver umha ampla crónica e umha reportagem gráfica do evento.

 

:: Mais informaçons sobre o mesmo tema

BRIGA e AGIR realizam IV Escola de Formaçom (+...)

 

Voltar à página principal